Не се мачете: 8 „трикови“ кои не успеваат и со кои само ќе го губите времето

Брзите и едноставни трикови кои секојдневно ги гледаме на социјалните мрежи можат навистина да ни помогнат побрзо да завршуваме одредени здодевни секојдневни задачи, навики...

И додека некои навистина се корисни, други едноставно не вреди да се обидувате да ги пробате, бидејќи не функционираат.

Како на пример, овие 8 трикови:

Сендвичи со топено сирење во тостер за печен леб

Според легендата: За да добиете одличен топол сендвич со топен кашкавал на него, сè што треба да направите е да го свртите тостерот хоризонтално и кашкавалот совршено ќе се растопи на него.

Во реалноста: Со вртење на тостерот во неприродна положба ризикувате пожар, плус кашкавалот може да се растопи насекаде во тостерот и да не можете да го исчистите, односно практично, да треба да го фрлите во канта за отпадоци.

Шајка наместо отворач за да отворите вино

Според легендата: Шајката може да функционира подеднакво добро за вадење на тапа од вино исто како и отворачот за вино.

Во реалноста: Трикот може да функционира само ако ставите повеќе шајки.

Батериите подолго траат, ако ги чувате во фрижидер

Според легендата: Животот на батериите го продолжувате, ако ги чувате во фрижидер

Во реалноста: Ова има спротивен ефект, односно студената средина го крати животот на батериите.

Палачинки од шише

Според легендата: Палачинките можете совршено кружни да ги направите со помош на шише.

Во реалноста: Ќе треба подолго и посилно да го притискате шишето со што, еден ден од палачинката ќе почне да гори, а другиот ќе остане непечен.

Картони од тоалетна хартија за посилен звук од телефонот

Според легендата: Картоните функционираат како одлични звучници.

Во реалноста: Овој трик може да функционира само ако употребувате голема керамичка шолја како засилувач.

Тениско топче наместо клучеви

Според легендата: Ако го заборавите клучот во автомобилот, ви треба тениско топче да го вшмука целиот воздух од бравата и вратата да се отвори.

Во реалноста: Овој трик, едноставно е нелогичен.

Бананите се осветлуваат со фен

Според легендата: Ако бананите почнуваат да потемнуваат, можете да ги сушите со фен и да се вратат во првобитната состојба.

Во реалноста: Можете да ја исушите бананата, ама никогаш нема да направите повторно да биде само жолта.

Монети во саксија за цвеќе

Според легендата: Бакарните монети спречуваат да се појават габи и бактерии во саксијата.

Во реалноста: Ова може да функционира само ако станува збор за многу стари монети.

Н. Г. | Црнобело