Трик за чистење со кој белите патики ќе изгледаат како нови

Без разлика каков модел се и во кој стил спаѓаат, едно е сигурно – важно е патиките секогаш да се чисти за да изгледаат убаво.

Но, лошото време не ни помага многу во таа цел, посебно ако се бели, а плус, секогаш ќе се најде некој кој ќе ги згазне и извалка.

Па, после долго носење, тие полека почнуваат да се уништуваат и колку и да се обидувате да ги чистите, по одреден период ја губат бојата и свежината.

Многумина би рекле дека кога ќе дојде тој момент, најдобро е да се фрлат и можеби се во право, освен, ако не го употребите овој трик на една девојка која се пофали на Twitter.

Таа објави пред и потоа фотка од нејзините бели старки и навистина направила чудо.

https://twitter.com/sarahtraceyy/status/919627555732275200/photo/1?ref_src=twsrc%5Etfw&ref_url=http%3A%2F%2F

Можеби мислите дека за ова се потребни посебна вештина и препарати, но сѐ што ви треба за да ги светнете патиките се производи кои ги имате дома.

Според неа, треба да измешате сода и детергент за перење во сооднос 1:1.5,  да стругате со четка за заби и да ги оставите да постојат кратко. Потоа исплакнете ги, ставете ги во машина за перење, посипете бебешка пудра и оставете да се исушат.

Важно е кога ќе ги ставите во машина да ги пуштите на „најнежна“ програма, бидејќи ако е поголема брзината може да се уништат. Исто така, извадете ги врвците пред да ги исперете во машина.

Вреди да се обидете, нема што да изгубите ако стигнале до фазата „пред фрлање“.

М. М. | Црнобело