Најголемото Велигденско дрво украсено е со 10.000 шарени јајца (фото)

Ако досега не сте слушнале за Велигденското дрво, време е да го видите најубавото и најшареното дрво во Германија. Семејството Крафт, веќе долги години ја негува традицијата за украсување на Велигденското дрво со што поголем број шарени јајца.

Целата магија започнала уште во 1965 година кога на едно дрво закачиле 18 јајца. Секоја следна година ставале сè повеќе јајца. Во 1994 година на дрвото имало 350 јајца, а денес е украсено со 10.000 шарени јајца, кои прават оваа крошна да изгледа волшебно.

Она што е интересно е дека тие не ги редат само тукутака бојадисани јајца, туку на повеќето од нив ќерката на Криста и Вокер, Габриела Румрих слика фантастични минијатурни уметнички дела.

Имаат посебна просторија и работилница каде грижливо се трудат да им посветат многу внимание на јајцата.

Ова дрво одамна е претворено во туристичка атракција поради која доаѓаат илјадници посетители за време на велигденските празници, да ја видат магичната глетка.

Речиси секое јајце е различно дизајнирано и за тоа треба многу труд, време и љубов. Кога завршува празникот дел од јајцата ги јадат децата, дел ги даваат во хуманитарните заедници за сиромашни, а еден дел кои се пластични ги чуваат за следната година.

Кога ќе се извадат јајцата и ќе расцвета дрвото се претвора во прекрасна раскошна јаболкница.

• 
• 
• 
• 
• 
• 
• 
• 
• 
• 
• 
• 
• 
• 
• 
•