Рај за сите вљубеници во пишаниот збор: Спиење во полици за книги во хостел во Токио

Детали

сабота, 04 ноември 2017

Зарем постои нешто подобро на светот од излежување во креветот со добра книга? Па можеби има - излежување обиколен со добри книги во кревет во вид на полица.

Не, ова не е само луд сон – Токио ви го овозможува тоа. „Book and Bed Tokyo“ е јапонски синџир на хостели, кој има кревети вградени во полиците за книги и е совршен за сите вљубеници во пишаниот збор.

Главниот хостел од синџирот се простира на 5.000 квадратни метри и има 3.200 книги. На другите три локации во хостелите има по 1.500 книги.

Поголемиот дел од книгите се на англиски јазик, но има некои наслови на јапонски. Без разлика дали ви треба роман, кулинарска книга или пак водич низ Јапонија, тука ќе пронајдете сè.

Грабнете книга од полиците и однесете ја со себе во кревет. Во оваа атмосфера сигурно за миг ќе успеете да отпатувате во светот на книгата.

Во ентериерот на хотелот има и светилки накитени со книги, како и цели ѕидови од книги.

Ѕирнете во рајот за сите вљубеници во книгата:

• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело