Идеи за домот: Кујнски полуостров наместо трпезарија

Со додавањето кујнски полуостров во ентериерот, си создавате убаво и функционално катче кое можете да го користите за повеќе различни намени.

Колку и да ви звучи необично, кујнските полуострови се разликуваат од кујнските острови на ист начин како и географските поими по кои го добиле називот.

Оваа алтернатива на класичниот кујнски остров е добар избор доколку немате доволно простор за самостоен кујнски елемент, а функционираат и како замена за трпезарија, зависно од големината.

Можете да појадувате наутро или пиете чаша вино на крајот од работниот ден, да работите на лаптоп, или, пак да ги подготвувате оброците и дружите со најблиските – комплетно прилагодувајќи го на својот стил и начин на живот.

Истовремено, кујнскиот полуостров служи и за визуелно одвојување на кујната од остатокот на ентериерот, кој мошне често е со отворен распоред.

Што се однесува до дизајнот, можете да си поиграте со површината и неговата форма, со основната структура и обликот на ногарките, висината, должината и опременоста на полуостровот.

Така, на пример, може да има складишта, како полици и фиоки, или, пак, да биде целосно од отворен тип. Дури и да е краток, кујнскиот полуостров сеедно ќе биде практичен додаток во кујната и идеален простор за брз утрински оброк.

Во продолжение, погледнете повеќе различни, а одлични примери за кујнски полуостров во домот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело