11 работи кои ја „убиваат“ атмосферата во вашиот дом

Домот е место каде секој сака да се чувствува пријатно и да се одмори по напорниот ден, да ужива во пријатна вечер и едноставно, да го помине најголемиот дел од денот.

Затоа, многу е важно уредувањето, предметите и боите кои ќе преовладуваат во него.

Понекогаш, дури и ситниците може да направат да се чувствуваме неудобно во нашиот простор, иако не сме свесни за тоа.

Доколку сакате конечно да разберете кои се грешките кои ги правите во уредувањето, погледнете кои се тие работи кои ја „убиваат“ атмосферата во домот:

Тапациран мебел со премногу шари

Софа со премногу бои на неа можеби изгледа впечатливо и уникатно во продавниците за меебл, но е многу тешко правилно да се вклопи во домот со сите останати парчиња.

Затоа, подобро е да им давате предност на еднобојните гарнитури, а ако сакате да ја разбиете монотонијата, направете го тоа со пернички во боја, удобни кебенца и други предмети во боја.

Едноставни слики во гломазни рамки

Нешто што мора да научите е дека сликата и рамката секогаш треба да си одговараат. Доколку сликата е едноставна, не можете да ја урамите во огромна златна рамка која само „боде очи“ но на негативен начин.

Подобро е да направите композиција од неколку помалечки слики кој ќе одговараат на стилот на домот.

Големите рамки одговараат за ентериер уреден во покласичен стил, каде внимателно избрана слика ставена во гломазна рамка, подобро ќе се вклопи во просторот.

Сјајни завеси со повеќе нивоа

Ваквиот тип на завеси не се вклопуваат во секој простор, па освен ако не живеете во замок или модерна палата, завесите од едноставен материјал со контраст на бојата на ѕидовите, изгледаат многу попријатно.

Тие визуелно ги прошируваат прозорците и ја прават собата поголема.

Многу непотребни полици

Отворените полици кои висат во неправилет ред на ѕидовите се практични, но не ако ги има во огромен број. Во тој случај само ќе трупате повеќе работи на нив и ќе собираат прашина.

Доволно е да закачите 2-3 полици, а остатокот од ѕидот оставете го празен.

Ентериер во една иста нијанса

Ѕидови, под, мебел, украси и завеси – кога сите работи се во иста боја создаваат складност во просторијата, но не треба да се претера. Бојата може да остане иста, но добро е да ја смените нијансата на одредени делови.

На пример доколку целиот ентериер е светол, додадете украси и завеси во потемна боја и обратно.

Погрешен распоред на мебелот

Најважно од сите работи е да водите сметка за димензијата на просторијата. Ако собата е голема, нема потреба мебелот да го залепите до ѕидовите.

Поместете го во централниот дел од просторијата, за да не останува празен простор во средината како да е подиум за танцување.

Доколку пак, собата е мала, тогаш е сосема погрешно да го ставите мебелот во средината и од страните да ви остане празен, но нефункционален простор.

Уште 5 совети на следната страна...