Зошто треба да ги избегнувате диетите кои не содржат јаглехидрати?

Ако малку подлабоко се одлучите да се занимавате со здрава исхрана многу бргу ќе дојдете до забуната околу јаглехидратите. Дали е препорачливо да ги внесувате во големи количини или не?

Прво нешто што ќе слушнете е дека треба да ја намалите количината на внесени јаглехидрати во текот на денот и тоа е точно, но само до некаде. Ако во нашиот организам нема доволно јаглехидрати, тој започнува да ги разградува мастите за да добие доволна количина енергија за нормално да функционира.

Звучи како идеално сценарио, зарем не? И натаму имаме енергија, сити сме, а слабееме.

За жал не е се така идеално.

Мастите немаат никакво влијание на мозокот, така што разградувањето на мастите нема да допринесе за нормално и здраво функционирање на мозокот. За правилна работа на мозочните функции, неопходни се јаглехидрати.

Кога веќе станува збор за нив, имајте на ум дека постојат два типа на јаглехидрати: рафинирани и нерафинирани. Или уште по едноставно и попрепознатливо јаглехидратите кои се нерафинирани содржат влакна, а другите не.

Ако ги консумирате оние производи кои се богати со шеќери, но немаат влакна, бргу ќе го подигнете нивото на шеќер во крвта и ќе се почувствувате поенергични, но само краткотрајно. Од друга страна, производите кои се богати со влакна ви овозможуваат подолготраен проток на енергија во организмот и вашиот мозок ќе може нормално да функционира.

Ако сепак сакате дополнително да внимавате на консумирањето на јаглехидратите, имајте на ум дека потребно е да ги внесувате во организмот што е можно порано, во спротивно посебно кога легнувате да спиете тие не се разградуваат, туку директно се претвораат во масти.

Така што, најдобро е наутро да консумирате јаглехидрати и да му овозможите на организмот и посебно мозокот, нормално да функционираат преку текот на целиот ден, а ручекот да го поминете со протеини.