Спој на здравје и слатко уживање: 7 причини за уште една голтка топло какао

Мирисот и вкусот на топлото какаото има некое магично дејство врз целиот човечки организам, без притоа да знаете колкава услуга му прави на вашето тело.

Низ сите истражувања спроведени врз овој кафеав плод, се потврдило дека истиот е моќен антиоксиданс кој го спречува стареењето, ја враќа енергијата и го зајакнува имунитетот.

Неговата сезона е во полн ек кога температурите ќе се спуштат, а ние ви нудиме најмалку 7 причини зошто да си сварите уште една шолја топло, чоколадно уживање.

1. Добар извор на енергија

Какаото е богато со витамин Б, кој е неопходен за сите метаболични процеси, вклучувајќи го и произведувањето енергија.

2. Помага во заздравувањето на коските и зглобовите

Одличен извор на минерали, калциум, цинк и калиум, што го прави одличен сојузник за здравјето на коските.

3. Ги лечи воспаленијата во мускулите

Какаото е моќен антиоксиданс кој се бори со оштетените слободни радикали, што доведува до намалување на болката и воспаленијата во мускулите.

4. Го зајакнува имунитетот

Какаото има сè што му е потребно на вашиот организам - цинк, витамин Ц и Е.

5. Успешно се бори со стресот

Благодарение на минералите, посебно магнезиумот кој го има во какаото, телото полесно се бори со стресот.

6. Одличен лек за слабокрвните лица

Какаото е богато со железо, манган, цинк и витамин Ц, односно во само 28 грама какао има 314% од дневната препорачана количина железо.

7. Ја поттикнува среќата

Во какаото се наоѓаат и серотинин и допамин, хормоните за среќа, па не е ни чудо што моментално може да ви го подобри расположението.

Ако веќе ве убедивме да си сварите една шолја топло какао, ова е совршениот рецепт кој треба да го испробате:

• 2 лажици какао прав со висок процент на какао
• 1-2 лажици кафеав шеќер
• Малку жешка вода
• 1 шолја млеко
• Ванила или цимет, по желба

Разредете го какаото со малку жешка вода, па додавајте го шеќерот. Кога ќе добиете густа смеса, додадете го циметот или ванилата и постепено загревајте.

По 2-3 минути полека започнете да го додавате млекото и мешајте непрекинато.

Оставете ја течноста убаво да се стопли, префрлете во омилената шолја и уживајте.