Здрави коктели за пролетна детоксикација

Мешавината од овошје и зеленчук ќе ви помогне да се ослободите од отровите кои се акумулираат поради неправилна исхрана, стрес и негативни влијанија од животната средина.

Ако сакате да се чувствувате поенергични и полни со сила, овие коктели се идеални за вас.

Најдобрата работа е што се лесни за подготовка и можете да ги припремите дома.

1. Ѓумбир и цвекло

Состојки:

• 1 парче цвекло со средна големина, се лупи и се сече на парчиња
• 200 ml јогурт
• 3-4 cm свежо рендан корен од ѓумбир

Начин на подготовка:

Во блендер се мешаат ѓумбирот и цвеклото додека не се изедначат. Исцедете го сокот и оставете да стои околу 2 часа. Потоа додадете јогурт и повторно измешајте. Најдобро е да се пие ладно.

2. Краставица и лимета

Состојки:

• ½ лимета
• ½ краставица
• 2 стебленца нане
• 0.5 l вода

Начин на подготовка:

Лиметата и краставицата се сечат на тенки кругови. Нането се сече на крупни парчиња, а може да се искористат и само листовите. Додајте ја водата и оставете да отстои 1 час. Конзумирајте го ладно.

3. Калинка и портокал

Состојки:

• ½ портокал
• неколку зрна калинка
• 2 стебленца нане
• 0,5 l вода

Начин на подготовка:

Портокалот се сече на кругови. Нането се сече на покрупни парчиња и се додава водата. Се остава 1 час, а потоа се пие ладно.

4. Зелен микс

Состојки:

• 1 лажица кокосово масло
• 200 ml јогурт
• 1 лажица масло од семе од чиа
• ½ банана
• ½ чаша ситно сечкан спанаќ или зелка
• ½ чаша боровинки
• 200 ml кокосова вода
• мед и цимет по вкус

Начин на подготовка:

Измешајте ги сите состојки во блендер и коктелот послужете го ладен.

Можете да експериментирате со зелените коктели. Измешајте ги со овошје во сооднос 2:3. Во ваквите коктели може да се додаде вода или свежо цеден овошен сок.

5. Морков и ѓумбир

Состојки:

• 2 моркови
• 1 портокал
• 2 cm свежо рендан корен од ѓумбир
• неколку листови зелена салата
• 1 гранче нане
• 200 ml вода

Начин на подготовка:

Измешајте ги сите состојки во блендер. Доколку сакате може да го процедите сокот. Додајте вода и добро промешајте ја смесата.

М. С. | Црнобело