За брз детокс и јак имунитет: 3 вкусни пијалаци со лубеница

Лубеницата има безброј придобивки за здравјето. Освен што нé освежува, содржи и ликопен – антиоксидант кој го зајакнува организмот и ги ублажува воспаленијата, а помага и при тегоби во мускулите.

Ние ви предлагаме три едноставни рецепти за пијалаци со лубеница кои делуваат благотворно на организмот:

За детокс на организмот: Вода со лубеница

Потребни состојки:

• 2 шолји исечкани парчиња лубеница
• 1 исечкан лимон
• 1 исечкана краставица
• 12 ливчиња нане
• мраз
• ладна вода

Подготовка:

Исечканото овошје ставете го во бокал и наполнете го бокалот со вода. Оставете го цела ноќ во фрижидер. Бокалот може да се консумира во наредните 2-3 дена.

За обновување на косата и кожата: Сок од лубеница и јагоди

Потребни состојки:

• 1 мала краставица
• 1 шолја јагоди
• ½ шолја лубеница
• малку бадеми или лешници
• 1 шолја мраз

Подготовка:

Сите состојки се ставаат во блендер и пијалакот се пие веднаш.

За регенерирање на мускулите: Смути од лубеница и бадемово или кокосово млеко

Потребни состојки:

• 1 шолја исечкана лубеница
• 1 шолја бадемово или кокосово млеко
• 1 лажица мед

Подготовка:

Сите состојки се ставаат во блендер и пијалакот се пие веднаш.

М. В. | Црнобело