Слатко задоволство по велигденските пости: Чоколаден колач со бисквити и банана

Ако немате баш многу време, а ви се јаде нешто слатко, тогаш овој колач е совршениот рецепт за вас.

Посебно ако гледате набрзинка да го задоволите апетитот за чоколадо, веднаш по велигденскиот пост:

Потребни состојки:

• 150g бисквити или пишкоти
• 2 пудинга од чоколадо
• 2 банани
• 250g маргарин
• 2 крем шлаг од ванила
• 9dl млеко
• 120g шеќер

Подготовка:

1. Во мал сад ставете 5dl млеко, додадете шеќер и варете додека не зоврие.

2. Во посебен сад, изматете 1dl млеко со пудингот од чоколада и добро измешајте. Оваа смеса ставете ја во онаа што се вари и со непрестајно мешање варете додека не згусне.

3. Во оладениот пудинг додадете го омекнатиот маргарин и измешајте го со миксер.

4. Исечете ги бананите на кругови и искршете ги бисквитите. Подготвените состојки додадете ги во филот од чоколадо и полека измешајте ги.

5. Земете длабока тепсија и испрскајте ја со вода и во неа ставете ја готовата смеса за колачот. Израмнете и оставете да се зацврсти.

6. Крем шлагот од ванила изматете го со преостанатото млеко и премачкајте преку филот.

С. С. | Црнобело