Џем од киви – слатко кисело есенско задоволство


Џем од киви – слатко кисело есенско задоволство

Доаѓа омилениот период од годината за подготовка на зимници.

Dzem-od-kivi-slatko-esensko-zadovolstvo-01.jpg

Трудот кој се вложува сепак се исплатува на крајот, кога ќе си намачкате топло ајварче на свежо лепче.

Овојпат е време за нешто слатко – џем од киви, кој се подготвува лесно и едноставно, погоден за правење дури и во вашиот дом.

Состојки:

  • 1 kg киви
  • 600 g шеќер
  • малку лимонов сок и рендана кора од лимон
  • 1 кесичка желатин или џем фикс

Dzem-od-kivi-slatko-esensko-zadovolstvo-02.jpg

Начин на подготовка:

Излупете го кивито и добро измијте го.

Исечкајте го на ситни коцки и истурете го шеќерот, во кој сте го додале желатинот, малку сок од лимон и рендана кора од лимон (по желба).

Варете во поголем сад, на средна топлина, мешајќи нежно, додека не се појави сок и не се раствори целосно шеќерот.

Особено е важно да го варите џемот на пониска температура. Овошјето треба да стане стаклесто и да ја задржи специфичната зелена боја. Белата пена која ја испушта за време на варењето внимателно собирајте ја со лажица и исфрлете ја од садот.

Доколку сакате во џемот да се чувствуваат покрупни парчиња овошје, ова е крајот на рецептот.

Во спротивно, ако преферирате мазна структура на џемот, со помош на рачен блендер, блендирајте ја смесата додека не стане кашеста и мазна.

Префрелете го џемот во топли стерилизирани тегли и наместете ги обратно, со капачето надолу. Оставете ги добро да се оладат на овој начин.

(О)Милена | Црнобело

Би можело да ве интересира:

5 превкусни рецепти кои се подготвуваат со само 3 состојки Понекогаш не сакаме да губиме премногу драгоцено време во кујната, а сепак сакам...
Посен ручек готов за 25 минути: Филети од Ослич со зеленчук Голема е веројатноста дека оваа недела сте се одлучиле за краток предвелигденски...
Модерна верзија на ванилиците на баба Овие колачиња се толку едноставни и лесни за подготовка, а се топат во устата и ...