Десерт со мирис на есен: Сочни потпечени јаболка

За овој десерт не ви требаат никакви кулинарски способности, а ќе го воодушевите секој пред кој ќе го послужите.

Рецептот може да го направите во супер крчко тенџере како на видеото или пак во обична тава  и во рерна.

Потребни состојки:

• Јаболка по желба
• ½ шолја овесни снегулки
• ½ шолја кафеав шеќер
• 3 лажички цимет
• 1 лажичка каранфилче (по желба)
• Коцка путер

Состојките може да варираат. Наместо овесни снегулки ставете јаткасти плодови и суво грозје или трошки чоколадо.

Подготовка:

Во еден сад измешајте ги сувите состојки кои ги одбравте заедно со шеќерот и зачините.

Јаболката измијте ги и издлабете ги со лажица. Наполнете ги со мешавината од чинијата.

На врвот на јаболката ставете коцка путер.

Наредете ги во супер крчко тенџере или во тава, и истурете ¼ шолја вода.

Печете на тивко 3-4 часа.

За детално упатство погледнете го видеото:

М. Д. | Црнобело