Италијанска солена торта од компири со топен кашкавал

Кој вели дека за да зготвите нешто вкусно ви треба цел список намирници и многу време поминато во кујна?

Оваа солена торта по италијански рецепт го докажува спротивното.

Во случајов, се прави со пршута и топен кашкавал, но вие може да ја наполните со што и да сакате или имате дома.

Потребни состојки:

• 500g сварени компири
• 150g брашно
• 1 јајце
• 100g пршута
• 100g рендан кашкавал
• Сол и зачини по желба
• Масло

Подготовка:

Сварете ги компирите и од нив направете пире. Додадете ги брашното и јајцето и направете тесто. Поделете го на два дела.

Ставете малку масло на тава за пржење и загрејте. Ставете го првиот дел од тестото, добро распореден како дебела палачинка.

Наполнете со состојките кои ги одбравте, во случајов пршута и кашкавал.

Покријте со остатокот од тестото.

Пржете неколку минути од една страна, а потоа превртете со помош на чинија.

Сервирајте со кисела павлака, сосови или свежи салати.

М. Д. | Црнобело