Рецепт за крцкава, вртена пита со паричка


Рецепт за крцкава, вртена пита со паричка

Традиционално, на Василица сите ја чекаме „последната шанса“ да ни се падне паричката за да ни тргне годината.

recept-za-krckava-vrtena-pita-so-paricka-01.jpg

Потрагата по паричката обично се случува во пита, а оваа година таа пита нека биде крцкава, однатре мека и полна со солен фил.

recept-za-krckava-vrtena-pita-so-paricka-02.jpg

Потребни состојки за подготовка:

За филот:

  • 65 ml сончогледово масло
  • 100g сенаменско брашно
  • 400ml млеко
  • 65g павлака
  • 1 јајце
  • 200g фета сирење
  • 20g рендан тврд кашкавал

За питата:

  • 450g кори за пита
  • 60ml сончогледово масло за премачкување

Подготовка:

Во тава, на тивок оган ставете го маслото измешано со брашното за фил. Константно мешајте. Кога смесата ќе добие златеста боја, додајте го млекото постепено. Варете и мешајте додека не добиете кремаста смеса.

Тргнете од оган и оладете неколку минути. Додадете ги павлаката, јајцето, фета сирењето и ренданиот кашкавал.

Загрејте ја рерната на 210 степени. Подмачкајте една овална тава со малку масло.

Земете една кора и намачкајте ја со масло со помош на четка. Ставете фил на едниот раб, како на сликата, и потоа почнете да ја замотувате кората во ролна.

recept-za-krckava-vrtena-pita-so-paricka-06.jpg

Направените ролни редете ги во тавата, почнувајќи од крајот кон средината.

recept-za-krckava-vrtena-pita-so-paricka-07.jpg

Домачкајте со масло одозгора. Печете 10-тина минути на 210 степени. Потоа намалете ја температурата на 180 степени и печете уште 20-30 минути.

Проверете дали питата е готова со чепкалка за заби.

recept-za-krckava-vrtena-pita-so-paricka-05.jpg

recept-za-krckava-vrtena-pita-so-paricka-03.jpg

М. Д. | Црнобело

Би можело да ве интересира:

Десерт за чиста 10-ка: Кокос плазма торта За сите оние кои се љубители на кремастите торти со многу фил ова е совршениот и...
5 превкусни рецепти кои се подготвуваат со само 3 состојки Понекогаш не сакаме да губиме премногу драгоцено време во кујната, а сепак сакам...
Рецепт со вкус на есен: Макарони во крем сос од тиква и кашкавал Американците имаат некој посебен ритуал кон нивните омилени макарони со кашкавал...