Од кои намирници ни се приспива после јадење и зошто?

Многу од нас веднаш после јадењето, посебно кога станува збор за обилен оброк, мораат да дремнат.

Зошто е тоа така?

Одреден тип на производи заради хемискиот состав и начинот на кој се преработуваат супстанците во организмот, нè тераат на спиење.

Еве кои производи:

Млечни производи

Триптофанот и Калциумот се тие кои нè тераат да спиеме, бидејќи директно се метаболираат од мозокот и прават да бидеме релаксирани. Плус, ако млечните производи ги јадеме во комбинација со јаглехидрати, како крекери или шпагети, се изразува ефектот на триптофанот.

Бадеми

Бадемите исто така, содржат триптофан – амино киселина која предизвикува лачење на мелатонин, хормон на сонот. Дополнително, бадемите содржат и магнезиум кој нè релаксира.

Банани

Шеќерот кој го има во бананите, заради триптофанот побргу станува достапен на мозокот и се троши. А, тоа, во комбинација со високите количини на калиум и магнезиум кои ги има во бананите, прави да бидеме поспани.

Ореви

Оревите содржат помали количини на триптофан од бадемите, ама тие веќе имаат мелатонин кој нè тера да спиеме.

Цреши

Црешите ги покачуваат нивоата на мелатонин во крвта, посебно кога ги пиеме како сок.

Чај од камилица

Цветот од камилица содржи глицин, материја која има благо седативно дејство, ги релаксира мускулите и нервниот систем, а со тоа и нè прави поспани.

Семки од тиква

Покрај триптофанот, семките од тиква содржат и големи количини на цинк и магнезиум кои ги релаксираат мускулите и нервниот систем, па може да ви се приспие.

Бел ориз

Белиот ориз има висок гликемичен индекс, што значи после него може да почувствувате потреба за спиење после 3 до 4 часа од консумирањето.

Масна риба

Масната риба како што е лососот предизвикува поголемо лачење на мелатонин заради кој побрзо ни се приспива. Плус, дополнително ги намалува хормоните на стрес и прави да бидеме релаксирани.

Н. Г. | Црнобело