Летната приказна на студентската организација АИЕСЕК, ТАВ Аеродроми и СОС Детско село

Детали

среда, 20 август 2014

„Летна приказна 2014” е настан кој што претставува вистинска приказна  за дечињата и младинците од СОС Детско село и Советодавниот центар, кои што се учесници  на самиот проект организиран од АИЕСЕК.

АИЕСЕК како најголемата студентска организација во Македонија, и во исто време најголемиот претставник на младински активизам во светот, во овој момент работи на овој проект проект, кој не би бил возможен без поддршката од ТАВ Аеродроми.

Целта на „Летна приказна 2014” е да се поттикнат децата и младите кои што живеат во домовите да размислуваат на поотворен и поинаков начин, да започнат да превземаат иницијативи и согледаат различните можности кои можат да ги искористат.

Шест практиканти од различни земји (Турција,Украина,Полска и Романија) во улога на предавачи, преку интерактивни сесии, игри и работилници на англиски јазик им претставуваат една поинаква слика и начин на едукација која што не е така честа појава во нивното секојдневие.

Едукацијата се одвива во групи од 12 до 14 дечиња, додека за младинците има и посебни обуки и сесии за пишување на СV и мотивационо писмо, се со цел олеснето барање на работни можности.

Проектот како таков има 2 специфични цели: обезбедување на интернационално искуство на самите деца и развивање на лидерскиот потенцијал кај практикантите и преземање на посигурни одлуки од нивна страна.

Нашата цел, како организација, е преку овој проект да се помогне на оние кои што навистина им е потребна помош преку креирање на млади лидери кои што ќе остават позитивен траг во самото општество.

Сето ова немаше да биде возможно без поддршката од партнерот на овој проект, Аеродромот ТАВ.