Британската фанк сензација The Haggis Horns во Скопје

Утревечер, на 6 декември, со почеток во 22 часот, во ноќниот клуб „Станица 26“, концертната агенција и продукција „3Гонга“ ви претставува Градска Сесија со „The Haggis Horns“, фанк сензацијата од Велика Британија.

britanskata-fank-senzacija-the-haggins-horns-vo-skopje-01.jpg

Бендот во последен момент одлучи да дојде во Скопје со двајца вокалисти, кои не се дел од бендот John McCallum и Lucinda Slim.

britanskata-fank-senzacija-the-haggins-horns-vo-skopje-02.jpg

Овие седум екстравагантни обучени џез музичари во живо звучат и подобро отколку на самите студиски албуми. Нивната музика е комбинација на брејк бит фанк, хип хоп, афро бит и џез. На оваа група докажани музичари и не им е потребна помпезна најава, земајќи предвид дека досега соработувале со музичари како Jamiroquai, John Legend & The Roots, Amy Winehouse, Take That, Mark Ronson, Martha Reeves, Roots Manuva, Lou Donaldson, Elbow, Adele, Finley Quaye, Robbie Williams, Morcheeba, Duran Duran, Craig Charles Presents The Fantasy Funk Band, The Cinematic Orchestra, Lisa Stansfield, Kano, Estelle, Lily Allen...

Тие се во првите редови на фанк сцената во Велика Британија. Од 2004та година па наваму имаат издадено 4 студиски албуми и тоа "Hot Damn!, "Keep On Movin" (First Word Records), "What Does A Mind" (Haggis Records) и неодамна објавениот „One of these days“ исто така за Haggis Records... и преку 10тина објавени синглови.

Седморицата млади музичари ги сочинуваат: Kenny Higgins, Malcolm Strachan, Rob Mitchell, Atholl Ransome, Erroll Rollins, George Cooper и Ben Barker. Билетите се веќе во продажба на Купи Карти За Сè.

Во Скопје ни доаѓаат во полн состав. Не пропуштајте!

britanskata-fank-senzacija-the-haggins-horns-vo-skopje-03.jpg

Најчитани неделава

sonovnik-sidebar.jpg