Рита Ора покриена со циркони, а Ким Кардашијан во припиен комбинезон на Brit Awards (фото)

Детали

четврток, 26 февруари 2015

Вчера вечер во Лондон се собраа дел од најголемите музички ѕвезди и ги примија своите признанија за успех за изминатата година.

Како и на секој гламурозен настан, девојките и тоалетите на црвениот тепих привлекоа најголемо внимание.

Ким Кардашијан одбра црн припиен комбинезон со мрежа над струкот. Не изгледаше најелегантно, но модните критичари го пофалија изгледот.

Во листата на најдобро облечени високо котираше и Тејлор Свифт со црната долга тоалета со црвен змеј на грбот.

Ели Голдинг пак, го привлече вниманието со едноставната бела тоалета од проѕирна тантела.

Прилично новата пејачка Палома Феит е позната по контроверзниот и откачен стил, но тоалетата за црвениот тепих изгледаше многу поелегантно од сите останати. Модните критичари ја испофалија и нејзината црна тоалета од тул пропрскана со црвени точки.

Од момците најмногу се издвојуваше новиот музички миленик Сем Смит кој носеше мастило сино одело со едноставна бела кошула.

За најголема модна утка на годината беше прогласена младата пејачка Чарли која одбра чуден црн фустан со гол грб, извезен со кремаст конец. Страничното „ѕиркање“ на градите беше уште еден невкусен момент.

Спротивно на неа, Рита Ора изгледаше како девојка од милион долари покриена со илјадници циркони и длабоко деколте до папокот. Токму затоа беше прогласена за најдобро облечена на овогодинешните Brit Awards.

• 
• 
• 
• 
• 
• 
• 
•