Снимена е првата емисија на „Х-фактор Адриа“. Што коментираат судиите?

Детали

четврток, 26 февруари 2015

На простор од околу 1800 метри квадратни, проектот „Х-фактор“ го реализираат околу 160 луѓе, се снима со 13 камери во систем и 9 EMG камери, а сценографијата и визуелниот ефект се работат исклучиво по лиценца.

Оваа година на балканско ниво ќе се одржи втората сезона на „Х-фактор Адриа“. Учествуваат натпреварувачи од сите 6 поранешни југословенски републики.

Изминатиот период беа одржани аудиции во сите земји, а избраните кандидати се поделени по групи, денови, емисии кога ќе настапуваат пред 4-членото жири, во состав од: Жељко Јоксимовиќ, Масимо Савиќ, Тончи Хулиќ и Александра Ковач.

Принципот на настапи и гласање останува ист, сите пеат по една песна по сопствен избор, членовите на жирито коментираат и гласаат. За да помине кандидатот во следниот круг, потребно е да има 3 или 4 гласови.

Првата емисија веќе е снимена, а ќе се емитува во март. Сите од жирито се возбудени и едвај чекаат да го пронајдат новиот Х-фактор.

Александра Ковач се радува на менторската улога која ѝ е дадена и едвај чека да почне фазата во која ќе може одделно да работи со својата група натпреварувачи.

Жељко Јоксимовиќ е среќен што повторно е дел од жирито на Х-фактор и се надева дека овогодинешниот победник ќе успее да ја достигне светската слава, како што тоа им се случува на оние кои победуваат во другите региони.

Масимо Савиќ е љубопитен да открие дали навистина има некој што толку многу ќе плени на сцената.

Тончи Хулиќ, пак, изјави дека нема да биде строг, туку спонтан и природен, каков што е, со надеж дека навистина ќе откријат нешто неслушнато досега.