Двојничка на Анџелина Џоли: Мажите се плашат да ми се приближат!

Детали

четврток, 02 јули 2015

27-годишната девојка која личи на Анџелина Џоли тврди дека сличноста со познатата актерка и го уништува животот.

Згодната Вероника Блек постојано е опсипувана со комплименти и луѓето во неа ја препознаваат познатата актерка благодарение на нејзината црна коса и полни усни, но таа се жали дека мажите често се плашат да и се приближат.

Канадскиот модел кој има дури 658.000 следбеници на Инстаграм вели: „Сингл сум веќе година дена и откако излегов од 5-годишната врска, долго не можам да го најдам Вистинскиот“.

„Сакам постари мажи, слични на Бред Пит. Но, да бидам искрена мажите како да бегаат од мене. Мојот изглед ги плаши и не ми се приближуваат“ – објаснува младата Вероника.

„Генерално тие се многу нервозни покрај мене и почнуваат да се тресат што лично ме вознемирува, бидејќи во основа јас сум добра и мирна личност. Само оние „лудаците“ ми се приближуваат и се прилично груби откако ќе ги откачам.“

„Добар и вреден маж ми нема пристапено, а јас сум премногу срамежлива за сама да се претставам“ – вели, двојничката на Џоли.

Првите сличности со познатата актерка се препознаени од медиумите во 2011-тата година кога таа започнала да ги пополнува усните. Нешто потоа не минувал ден, а да не биде застаната на улица и распрашувана за нејзиниот изглед.

„Сè се случи одеднаш. Бев обична девојка која работеше како продавачка, а потоа луѓето започнаа да ја препознаваат Анџелина Џоли во мене.“

На самиот почеток комплиментите биле добредојдени, бидејќи и ја покачиле самодовербата особено затоа што во училиште често била малтретирана и навредувана.

„Малтретирањето започна кога имав 8 години и траеше до мојата 18-та година. Често ми викаа дека сум грда и дебела.

Никогаш не бев канета на забави и ниту едно момче не сакаше да биде со мене“ – раскажува Вероника.

„Сигурноста и самодовербата малку се вратија откако ги потрошив првите 7.000 фунти за зголемување на градите“ – објаснува.

Денес таа постојано тренира за да ја одржи линијата и нејзиниот прекрасен изглед. Има многу малку пријателки, бидејќи повеќето се плашат дека ќе им ги украде дечковците, но оние кои вистински ја познаваат ја сакаат и почитуваат.

Иако е задоволно од тоа како нејзината трансформација влијаела на нејзината самодоверба, таа посакува момче кое ќе ја сака што е прилично тешко да го запознае.

„Сега уживам во тоа што сум сингл, но би сакала еден ден да се омажам и да си оформам свое семејство“ – заклучува двојничката на Анџелина Џоли.

• 
• 
• 
• 
• 
• 
• 
• 
• 
• 
• 
• 
• 
• 
•