Принцот Вилијам признава - По 20 години, принцезата Дијана сè уште му недостасува

Детали

четврток, 25 август 2016

Додека бил на посета центар за палијативна нега во Лутон, Англија, принцот Вилијам запознал 14-годишно момче кое сè уште жалело по својата мајка, па решил да сподели неколку емотивни совети за да го потсети момчето дека не е само.

„Времето ги олеснува работите“ - му рекол на Бен Хајнс.

„Знам како се чувствуваш. И мене сè уште ми недостасува мајка ми, а веќе поминаа 20 години откако почина“ - додал тој.

Принцот Вилијам имаше само 15 години кога принцезата Дијана почина во сообраќајна несреќа во 1997-та година.

Како продолжил разговорот и во сеќавање на тоа дека принцезата Дијана беше способна емотивно да се поврзе и со непозната личност решил да продолжи со утехата.

Приказната на младото момче толку го допрела принцот што го замолил: „Вети ми дека ќе споделуваш со својот татко. Ние мажите не сакаме да ги споделуваме своите емоции.“ - додал.

Од посетата на центарот:

• 
• 
• 
• 
• 
• 
• 
• 
• 
• 
• 
• 
• 
• 
•  

Н. Г. | Црнобело