Бред Пит и Анџелина Џоли се согласни: Кој ќе биде старател на децата?

Детали

вторник, 08 ноември 2016

Според нова изјава на адвокатот кој ја претставува Анџелина Џоли, Џоли и Пит веќе се истовремено согласни за тоа кој ќе биде старател на 6-те деца.

Но, адвокатот кој го претставува Пит сè уште ја нема потврдено истата информација.

Адвокатот на Џоли тврди, дека: „Можеме да потврдиме дека социјалните работници поттикнаа да се прифати легалната согласност и да се потпише од двете страни уште пред една недела. Според овој документ, 6-те деца се под старателство на нивната мајка, а децата ќе продолжат да имаат терапевтски посети со нивниот татко. Ова е одлучено од социјалните работници во најдобар интерес за децата“.

Двојката е согласна на привремен план кој подразбира психотерапија и посети како што е предложено од „County Department of Children and Family Services“ во Лос Анџелес.

Но, според блиски извори, ова не е конечна одлука, туку само привремена.

Џоли на 19-ти септември побара само таа да биде легален старател на децата, но минатата недела Пит побарал заедничко старателство.

И покрај тврдењата на агентот на Анџелина Џоли, извори блиски на актерот, тврдат дека Пит ќе продолжи да се бори за заедничко старателство.

Н. Г. | Црнобело