Принцот Џорџ ќе ги носи бурмите: Сè што знаеме за свадбата на Пипа Мидлтон

Детали

четврток, 06 април 2017

Пипа Мидлтон ја потврди својата веридба со нејзиното момче, Џејмс Метјус, минатиот јули. Со заедничка изјава потврдија дека се пресреќни што оваа година ќе стапат во брак.

Што знаеме за нивната свадба, досега?

Веридбата

Помладата сестра на војвотката од Кембриџ и 40-годишниот милионер на 19-ти јули 2016-та година најавија дека се вериле по само една година врска.

Џејмс ја запросил за време на патување до националниот парк „Lake District“ и според Daily Mail, Џејмс лично прво го прашал татко ѝ на Пипа за нејзината рака.

„Џејмс е традиционален и сака работите да ги прави со ред“ - изјавил близок извор на двојката.

„Тоа значи и да ја побара раката на својата идна сопруга од нејзиниот татко“ - додал.

Кога избија вестите за нејзината веридба, сите очи беа на левата рака на Пипа. Еден ден после најавата таа носеше прстен во арт деко стил со дијамант во центарот кој според многумина вреди $200.000.

Моминската вечер

Додека принцот Вилијам уживаше со своите пријатели и пријателки на Алпите, Пипа и нејзината сестра Кејт исто така беа на скијачко патување.

Додека војводата уживаше во Verbier, Швајцарија, девојките си направиле приватна гламурозна забава во Мерибел, Франција.

Датумот и местото

Пипа ќе биде пролетна невеста.

Парот ќе стапи во брак на 20-ти мај 2017-та година во црквата „St Mark“ во Енгелфилд, Беркшир, место лоцирано на неколку километри од домот на семејството Мидлтон.

По церемонијата во црквата, приемот на гостите ќе се случи на имотот на Керол и Мајкл Мидлтон близу селото Баклбери.

Според блиски извори, на Пипа многу ѝ е важно да стапи во брак во нејзиниот роден крај.

„Пипа е традиционална девојка и сака да стапи во брак близу нејзиниот дом. Инаку, не постои посебна причина зошто токму 20-ти мај е одбран како датум“.

Гостите

За разлика од големата свадба на нејзината сестра, свадбата на Пипа ќе биде мала прослава со не повеќе од 150 гости.

Војвотката нема да биде главна деверуша на нејзината сестра, но кралските деца дефинитивно ќе бидат вклучени во церемонијата.

„Шарлот ќе биде едно од девојчињата кои ги фрлаат цвеќињата, а принцот Џорџ планираат да оди веднаш позади Пипа.“

Принцот Хари ќе биде дел од свадбата, но не се знае дали и Меган Маркл е поканета.

Според Daily Mail, Пипа ќе дозволи само тие гости кои се веќе во брак да ги донесат своите партнери.

Фустанот

Пипа дефинитивно вртеше погледи на свадбата на нејзината сестра каде носеше креација на Alexander McQueen, а и сега се очекува да заблеска.

Според Дејвид Емануел, се очекува да одбере невестински фустан во англиски, романтичен стил.

„За разлика од нејзината сестра, Пипа ќе одбере комплетно различна силуета, поточно, фустан кој се стеснува веднаш под градите и се проширува понатаму завршувајќи со пократка должина од онаа на сестра ѝ. Сигурни сме дека ќе биде со чипка во боја на слонова коска. Ова не е кралски изглед, туку англиски и романтичен“ - вели Емануел.

Кој ќе го дизајнира фустанот? Се претпоставува дека англиските дизајнери Jenny Packham или Alexander McQueen ќе „водат битка“ да бидат одбрани. Но, некои шпекулираат дека и Giles Deacon може да биде дизајнерот кој ќе се погрижи за прекрасниот невестински фустан на Пипа.

Ново име

Пипа ќе добие титула откако ќе стапи во брак. Моментално, таткото на нејзиниот иден сопруг, Дејвид Метјус е Лерд на Глен Африк (шкотска титула за лорд кој поседува голем имот), а кога тој ќе почине, неговиот син Џејмс ќе ја наследи таа титула.

Тоа ќе ја направи Пипа лејди на Глен Африк.

Н. Г. | Црнобело