Ким откри: Која е најбунтовната работа што ја направив во тинејџерските години?
- Детали
- понеделник, 14 август 2017
Старлетата вели дека денес, со 36 години, е „потполно друга личност“.
На својата апликација, Ким Кардашијан (36) ја сподели со фановите анегдотата од нејзиното бунтовно детство. Тогаш се дружела со Никол Ричи (35), ќерката на Лајонел Ричи, која, пак, се прослави со пријателството со Парис Хилтон (36) и реалното шоу „Simple Life".
„Кога имавме 11 години, крадевме кармини по продавниците во Малибу. Мислевме дека така сме опасни! Не можам да се сетам како се викаше бојата која ја украдов, но беше кафеава нијанса од Revlon. Не излегував баш многу кога бев помлада, а ова е најголемиот бунт кој некогаш сум го направила.“, откри Ким.
Додаде и дека денес има потполно други приоритети.
„Кога ќе добиеш деца, сѐ се менува, и тоа во најдобра можна смисла. Фала им на моите деца што ме избраа и што ми допуштаат да им бидам мама.“, напиша ријалити ѕвездата, која со раперот Канје Вест (40) ги има четиригодишната ќерка Норт и двегодишниот син Сент.
Напиша и дека безусловно ги љуби и сака да биде блиска со нив, како што е таа со својата мајка, Крис Џенер (61).
„Веќе не се работи за мене. Откако се роди Норт, сакав да бидам со неа, да создадеме спомени кои ќе ги чуваме засекогаш. Навистина сфаќаш колку е вреден животот. Ми даваат нова перспектива и инспирираат да бидам најдобрата верзија на себеси“, заклучи Ким.
М. А. | Црнобело
Би можело да ве интересира:
Препорачуваме
Најчитани неделава
