Вилијам и Хари зборуваат за моментот кога дознале за смртта на нивната мајка

Детали

среда, 23 август 2017

Принцот Вилијам и Принцот Хари во новиот документарец на BBC зборуваа за моментот кога нивниот татко им ја соопштил трагичната вест за Принцезата Дијана.

Двајцата принцови споделија дека нивниот татко, Принцот Чарлс, им бил голема поддршка за време на тешките денови.

„Една од најлошите работи за еден родител е да им соопшти на децата дека другиот родител веќе го нема. Но, тој беше секогаш тука за нас, нè чуваше и си помагавме бидејќи сите поминувавме низ истото“, рече Хари.

Принцот Вилијам, пак, меѓу другото зборуваше и за одлуката на Кралицата Елизабета двајцата браќа да живеат во Дворецот Балморал по смртта на Дијана.

„За сите нас ова беше нешто ново и непознато. Татко ми и баба ми мислеа дека е подобро да се преселиме во Балморал некое време за да не сме постојано изложени на сериозни и тешки прашања поврзани со смртта на мајка ми“, рече Вилијам.

https://www.youtube.com/watch?v=M6haF4fKjn0

Ова е првпат двајцата браќа да зборуваат отворено на оваа тема, а документарецот на BBC со наслов Diana, 7 Days ќе биде емитуван во недела навечер.

М. В. | Црнобело