Зошто Принцот Џорџ не смее да има најдобро другарче на училиште?

Детали

среда, 13 септември 2017

Со самиот факт што е дел од британското кралско семејство, Принцот Џорџ сигурно нема да има обично детство како сите други дечиња.

Тој неодамна тргна на училиште и уште веднаш има правила кон кои треба да се придржува. Имено, тој не смее да има најдобро другарче од училиштето.

Но, ова не важи само за него, туку за сите деца од ова училиште бидејќи раководителите сметаат дека не е добро децата да одбираат само по едно најдобро другарче, туку треба сите да се дружат заедно за никој да не се чувствува запоставен.

Во училиштето постои и правило ако некое дете прави роденденска забава и не ги покани сите од одделението, не смее да ги дели поканите пред другите дечиња.

Освен грижата за децата, од училиштето велат дека очекуваат соработка и од родителите и вклученост на сите родители подеднакво, па и на Принцот Вилијам и Војвотката Кетрин.    

М. В. | Црнобело