Актерки кои дизајнерите одбиле да ги облечат за црвениот тепих

Детали

среда, 20 септември 2017

При доделувањето награди, или, пак, на гламурозните филмски фестивали, секогаш во фокусот се холивудските модни миленички, како и дизајнерските имиња чии креации тие ги носат на црвените теписи. Меѓутоа, не на секоја глумица изборот на облека ѝ е подеднакво лесен, независно од талентот и популарноста.

Кога е во прашање тоалетата што актерките ја носат на планетарно популарните филмски пригоди, веќе е познато дека раскошните фустани не им остануваат во трајна сопственост на повеќето од нив.

Нивните стилисти вообичаено позајмуваат примероци после модните ревии, а целата успешност на изгледот зависи од тоа дали глумицата е доволно слаба за одбраната креација. Поради тоа, на славните дами со пополни фигури баш и не им е лесен изборот. Со чест на исклучоци, како што се дизајнерите Christiano Siriano или Prabal Gurung, повеќето модни куќи за висока вода, сепак се помалку прилагодливи во однос на величините.

Последна „жртва“ во низата беше актерката Рејчел Блум. Кога на скорешното доделување на наградите „Еми“ се појави во романтична црна креација со потпис на Gucci, сите претпоставија дека таа е новата холивудска миленичка на креативниот директор на легендарната модна куќа. Но, не е ни приближно така.

Во интервјуто за E!News, глумицата откри дека фустанот си го купила самата за 3.500 американски долари, откако неколку дизајнери одбиле да ја облечат за доделувањето на престижните телевизиски награди.

„Тешко ми е да пронајдам дизајнер чиј фустан ќе го изнајмам, бидејќи не носам величина 0. Но, можам да си дозволам да купам дизајнерска облека, па во ред е.“, изјави талентираната глумица која веќе трипати е номинирана за „Еми“.

Со истата судбина се соочи и комичарката Лесли Џоунс, која се послужи со социјалните мрежи, за да ги наведе сите дизајнерски куќи што ја одбиле за премиерата на филмот „Ghostbusters“. А, сето ова ѝ е мошне познато и на Мелиса МекКарти. Не можејќи никако да пронајде дизајнер кој ќе ѝ ги осмисли оскаровските изданија, една од најдуховитите жени во Холивуд, си основаше сопствена модна линија.

А, кои се и останатите глумици што дизајнерите одбиле да ги облечат за црвениот тепих, па морале да се снаоѓаат сами, ви откриваме во продолжение:

Брајс Далас Хауард

Даша Поланко

Ејди Брајант

Кристина Хендрикс

Лесли Џоунс

Мелиса МекКарти

Рејчел Блум

М. А. | Црнобело