Клое Кардашијан е бремена од Тристан Томпсон

Детали

среда, 27 септември 2017

Ријалити ѕвездата е третата Кардашијан-Џенер сестра за која во последниве месеци се шпекулира дека е бремена.

33-годишната Клое Kардашијан е во четвртиот месец од бременоста од 26-годишната кошаркарска ѕвезда Тристан Томпсон, тврдат UsWeekly, People и TMZ.

Крајниот термин на Клое е февруари, исто како и на нејзината 20-годишна сестра Кајли, додека Ким го очекува третото дете во јануари од сурогат мајка.

Откако инсајдери за магазинот People ја потврдија информацијата, тврдат и дека и Клое и Тристан се пресреќни што ќе станат родители.

„Не брзаат со објавување на информацијата, меѓутоа ја споделија со најблиските. Сакаат да знаат дека сè е во ред.“

Сега за сега, никој од идните родители ја нема потврдено оваа информација.

Последен пат се видени заедно на почетокот на септември, во лежерно издание.

М. Д. | Црнобело