Што прави Шакира за да изгледа толку добро на 40 години?

Детали

среда, 04 октомври 2017

Се чини дека славната пејачка од Колумбија, Шакира, го пронашла еликсирот на младоста. Како старее, станува сè поубава и позгодна.

Се разбира дека тука и гените играат голема улога, но кога и да ја видиме, сите се прашуваме која е тајната на нејзиниот изглед?

Како успева да изгледа така на 40 години?

Фитнес тренерот на Шакира, Ана Кајзер, откри дека примарната цел на Шакира е да се чувствува убаво, а внатрешната среќа се познава и од надвор.

Сепак, за да остане во топ форма, Шакира вежба 5 пати неделно.

Кајзер има направено посебни вежби за својата клиентка:

Вежбите се комбинации од кардио вежби и вежби за зацврстување во кои е активно целото тело. Важно е Шакира да има доволно физичка сила за да ги издржи сите настапи и концерти. Здравјето е секогаш на прво место.

За време на вежбањето, Кајзер обрнува посебно внимание на правилното отчукување на срцето:

Понекогаш може да кревате тегови и да мислите дека вежбате најсилно што можете, но морате да апликацијата за отчукувања на срцето покажува дека мускулите не работат онака како што мислите.

Освен редовната исхрана, Кајзер за славната мајка на две деца има направено и посебен режим на исхрана.

Шакира јаде на секои два до три часа по помали оброци, а на менито главно има риба, пилешко, зеленчук и супи:

Појадокот, ручекот и вечерата се базираат главно на протеини, свеж зеленчук и мала количина на овошје.  

Меѓу оброците, Шакира јаде топли супи кои заситуваат, а не содржат многу калории, а омилена ужинка ѝ се портокали и бадеми.

Сепак, славната пејачка во неколку пригоди има изјавено дека не е опседната со тоа секогаш да биде во топ форма и дека понекогаш си дозволува отстапки од строгиот режим на вежбање и исхрана.

М. В. | Црнобело