Зошто милијардерите и аристократите ги учат своите деца мандарински јазик?

Детали

петок, 10 ноември 2017

Принцот Вилијам, Марк Закерберг, Иванка Трамп се само дел од моќните личности кои се одлучија на ваков потег.

Учењето на втор јазик има низа когнитивни, здравствени и едукативни придобивки. Го размрдува развојот на мозокот, штити од деменција и помага во подобрување на концентрацијата.

Мандаринскиот јазик е најжешкиот тренд во моментов кај богатите семејства. Тие уште од мали ги запишуваат своите деца на курсеви по овој јазик.

Кинескиот јазик е јазик со најмногу нативни говорители на светот и тоа дури 1.2 милијарди.

Постојат два главни дијалекти во кинескиот јазик – мандарински и кантонски, а дури една милијарда од говорителите го користат мандаринскиот. Самите бројки докажуваат дека јазикот ќе биде важен за бизнисот во иднина.

Поради оваа причина дел од најмоќните семејства на светот започнаа да ги запишуваат своите деца на курсеви по мандарински јазик.

Еве кои од нив се одлучија на ваков чекор:

Џеф и МекКензи Безос

Основачот на Амазон и неговата сопруга имаат четири деца. Тие експериментираат со многу различни начини на едукација на децата. Меѓу разните курсеви, тие посетуваат и часови по мандарински јазик.

Марк Закерберг и Присила Чан

Основачот на Фејсбук пред неколку години започна со изучување на мандаринскиот јазик и се усоврши толку што стана способен да води 30-минутни сесии со прашања и одговори на овој јазик. Неговата сопруга Присила е ќерка на кинески бегалци во Виетнам и течно зборува кантонски. Двојката веќе започна со подучување на мандарински јазик и на нивната ќеркичка.

Иванка Трамп и Џаред Кушнер

Моќниот пар има три деца и ангажираше дадилка што зборува мандарински за да го внесат јазикот во домот. Нивните три деца, особено 5-годишната ќерка Арабела веќе ги знаат основите.

Принцот Вилијам и Кејт Мидлтон

Кралската двојка има две деца и третото е на пат. Нинвиот најстар син, 4-годишнито принц Џорџ, во едно лондонско училиште ќе го изучува мандаринскиот јазик.

Пред неколку години и принцот Вилијам на мандарински јазик и посака на Кина среќна нова година на мандарински јазик.

С. С. | Црнобело