Кејт Мидлтон носи позајмен ѓердан од кралицата Елизабета, кој го носеше и принцезата Дијана

Детали

вторник, 21 ноември 2017

Ѓердан што влезе во историјата. Три генерации на моќни жени го носат истото парче накит.

Во понеделникот принцот Хари, принцот Вилијам и Војвотката од Кембриџ се појавија во Виндзор замокот  за да ја прослават 70-тата годишнина од брак на кралицата Елизабета и принцот Филип.

Внуците на кралицата и Кејт беа уловени од папарацо фотографите како пристигнуваат на прославата за платинумската свадба. За оваа пригода, Кејт носеше елегантен ѓердан од бисери со дијамант во комбинација со фустан од црна тантела.

Фустанот од Diane Von Furstenberg, Кејт го носеше и пред неколку седмици на една гала вечера, како и во 2014 година на еден кралски настан.

Инаку ѓерданот на вратот на Кејт припаѓа на кралицата и таа го носи за првпат. Овој впечатлив ѓердан го има носено и принцезата Дајана на настан во Hampton Court Palace во 1982.

Кралицата, исто така, го има носено ова парче накит во неколку пригоди, меѓу кои и при посетата на Бангладеш во 1983 година, една година откако и го позајми на Дијана.

На 70-годишнината од бракот на кралицата Елизабета и принцот Филип не присуствуваше Меган Маркл, девојката на принцот Хари.

Кејт беше фотографирана со принцот Вилијам при пристигнувањето на свеченоста:

• 
• 
• 
• 
• 
• 
•  

С. С. | Црнобело