92-годишна баба го „освои“ срцето на Рафаел Надал со писмо на кое тој одговори

Детали

понеделник, 12 февруари 2018

Светскиот тенисер, Рафаел Надал, изрази благодарност преку социјалните мрежи за поддршката која ја доби од негов фан.

На Australian Open тој се соочи со повреда на ногата, но и покрај потешкотиите, очигледно сè е полесно кога имаш фанови од цел свет и на секоја возраст, кои нудат безрезервна поддршка.

Имено, 92-годишна баба од Мексико, му напишала писмо на тенисерот во кое му посакува брзо да закрепне, како и многу успех во иднина на теренот.

„Драг Рафа, во декември, ти напишав писмо и го испратив на твојата Академија во Шпанија. Знам дека си зафатен, растрчан насекаде, па можеби не си го ни добил.

Јас сум 92-годишна жена, тенисерка и жесток фан. Ги гледам сите твои турнири, ако се во зори, местам аларм за да станам навреме да те гледам како играш.
Многу ми е жал за тоа што се случи во Австралија и се надевам дека целосно ќе закрепнеш.

Знам дека ќе бидеш во Акапулко кон крајот на месецот и посакувам да дојдам, но овие денови ми е многу тешко да патувам.

Ќе ми биде огромна чест и задоволство ако би можел да ми одговориш на писмото некој ден.“

Правнуката на жената го сликала писмото и го постирала на нејзиниот Твитер профил, го означила тенисерот и напишала:

Мојата прабаба е број 1 фан на Надал и му праќа писма постојано. Таа сè уште не добила одговор од него, па ја замолив да напише едно за на Твитер и ми го даде ова. Би ѝ го усреќиле денот на прабаба ми ако успееме да направиме пораката да ја прочита Надал. Ве молааам!

Mi bisabuela es fan #1 de Nadal y siempre le escribe cartas y se las manda hasta España. Como jamás ha recibido respuesta, le pedí que escribiera una para twitter y me dio esto...le harían el día si me ayudan a que Nadal la lea plisssss. @RafaelNadal pic.twitter.com/R5hfpR9ZIX

— Debora Mansur (@Deboramansurr) February 7, 2018

Пораката на Дебора добила околу 20.000 лајкови и е ретвитната повеќе од 20.000 пати.

Два дена подоцна, Дебора и нејзината прабаба го добија одговорот кој со душа го очекувале.

Рафаел Надал се огласи и на неговиот Твитер профил напиша:

„Драга Дебора, те молам пренеси ѝ ја мојата благодарност на прабаба ти за емотивното писмо, бидејќи ме трогна длабоко. Ги добивам сите писма за поддршка и ми значат многу. Многу ви благодарам. “ – гласеше пораката на тенисерот со која го исполни најголемиот сон на свој фан.

Querida Debora, por favor dale las gracias de mi parte a tu bisabuela por esta emotiva carta y su contenido que llega al corazón. Todas las cartas y muestras de apoyo que recibo de todos vosotros significan mucho para mí. Muchas gracias https://t.co/jgkh7Hdjpv

— Rafa Nadal (@RafaelNadal) February 9, 2018

М. М. | Црнобело