Заспала врз мобилниот и си ги изгорела градите

Детали

вторник, 26 август 2014

Често знаеме до доцна да ги прегледуваме пораките во мобилниот и свесно или несвесно да заспиеме со него, не обрнувајќи внимание колку може да биде опасен.

За еден ваков случај со страшни последици сведочи  и една Британка која добила страшна изгореница на градите откако заспала врз својот мобилен.

Како што пренесуваат магазините Sun и Daily Mail, 24-годишната Дион Бекстер го оставила својот телефон на креветот додека се полнел и заспала.

Следното утро се разбудила со голема изгореница на левата града, долга 13 cm, поради која морала веднаш да отиде во болница.

-Ме разбуди ужасна болка. Кога го земав телефонот, беше толку жежок што не можев да го држам. Беше страшно, особено кога помислив дека можеше мојата ќерка да легне на таа страна. –објаснува Дион.

Во болницата интервенирале најмногу што можат, но сепак ќе ѝ остане лузна засекогаш.