Таа има 90 години и сигурно се забавува подобро од вас!

Детали

среда, 17 септември 2014

Најзабавната баба на светот се вика Мари Лу Махани и има 90 години. Оваа кул бабичка од Мериленд станала вистински хит на интернет, откако биле објавени нејзините фотографии со разни авантури.

Мари со својот пример покажува дека годините навистина се само бројка.

Патувала на сите континенти и може да се пофали дека била во преку 100 земји. Оваа супер бабичка исто така во својата биографија може да запише и некои прилично опасни авантури.

- Се возев со теренски возила низ африканските џунгли, со боб во Нов Зеланд, со балон во Австралија. Се искачив на  Змејското гнездо во Бутан, искусив парасејлинг во Грција и јавав коњи без седло во Аргентина. – раскажува Мари.

Својата авантура ја започнала на 72 години кога го загубила мажот.

- Тој многу сакаше да патува, а ретко го правевме тоа. Но, откако почина одлучив дека мора да го видам светот. – искрена е баба Мари.

Иако е веќе во десеттата деценија од животот, неа не ѝ недостига инспирација за нови походи.

- Едноставно, се будам секое утро и го сакам животот во целост. Мислам дека е фантастично кога гледам места од историско значење со сопствените очи.

Таа и не планира наскоро да запре, туку веќе има нова возбудлива авантура.

- Сега ќе одам на крстарење на Карибите каде планирам да пробам зип-спуштање по јаже, а потоа одам да го истражуваме Бурма маало. – возбудено открива Мари.

Ако само ја слушате приказната, би помислиле дека ја раскажува 90-годишна бабичка?

Како вие уживате во животот?