Сакала да објави селфи, но еден повик променил сè!

Детали

четврток, 13 ноември 2014

Грејс Мар (20) од Бирминген сакала како и многу други да си објавува селфи фотографии на нејзиниот Фејсбук профил.

Едноставни и симпатични пози, без ништо провокативно и вулгарно. Но, немала претстава што може да се случи со нив и како може да се злоупотребат, додека не добила еден телефонски повик.

Еден ден, откако се вратила од факултет на домашниот телефон се јавил пријател на нејзината мајка, кој ѝ кажал дека забележал нејзини фотографии на реклами за секс страници.

Тоа најпрво ја засрамило, а потоа и ја загрижило. Била убедена дека нема никаде објавено разголени фотографии, но знаела и дека може да се злоупотребат со Фотошоп.

Откако разговарала со нејзината мајка, целосно го променила профилот, ставила нова лозинка и ја зголемила приватноста во опциите за разгледување.

Од непријатното искуство кое го доживеала испраќа порака до сите, да ги менуваат лозинките барем еднаш месечно:

„Не знам што се случило и како моите фотографии стигнале таму или што уште има на тие страници. Би сакала луѓето да се свесни за тоа, за да не им се случи истото“.