Фејсбук статус на најгордиот сопруг: „Мојата сопруга е херој“
- Детали
- четврток, 19 ноември 2015
Рејна Вилсон не сака кога нејзиниот сопруг ја нарекува хероина, но за него таа е токму тоа. Поради нејзината пожртвуваност, сопругот Боби ѝ посветил еден Фејсбук статус кој собра над 800.000 лајкови.
Сопружниците Боби и Рејна Весон од Алабама станаа вирален хит откако Боби на својот Фејсбук профил објавил фотографија од Рејна и нивниот син Дикон и ѝ посветил нежна порака.
„Мојата сопруга не сака кога ја нарекувам херој, но таа е херој. Верувам дека на светот постојат милиони и милиони мали секојдневни херои и фала му на Бога што има такви, потребни ни се сите“ – изјавил Боби.
Ова е неговата Фејсбук објава која допре многу срца:
This is my wife taking a nap. In an hour she will wake up, put on her scrubs and get ready for work. The tools and...
Posted by Bobby Wesson on Saturday, November 7, 2015
This is my wife taking a nap. In an hour she will wake up, put on her scrubs and get ready for work. The tools and...
Posted by Bobby Wesson on Saturday, November 7, 2015
„Ова е мојата сопруга која дремнува. Таа за еден час ќе се разбуди, ќе ја облече својата униформа и ќе се подготви за работа.
Предметите кои ѝ се потребни за да ја изврши својата работа набрзина ќе ги собере и прегледа, набрзина ќе ја среди својата коса и шминка. Ќе се жали дека изгледа лошо. Јас, емпатично нема да се сложам со тоа и ќе ѝ ја подадам шолјата кафе. Ќе седне на каучот и ќе се обиде да го испие своето кафе додека си игра со синот.
Повремено ќе одлута со мислите додека разговараме и во тишина ќе се обиде да се соочи со смената која ја очекува. Мисли дека не го забележувам тоа.
Ќе го бакне синот, потоа и мене и ќе замине да се грижи за луѓето кои го имаат најлошиот ден во својот живот. Автомобилски несреќи, експлозии, изгоретини, рани од престрелки... работници, сиромашни, свештеници, зависници, проститутки, мајки, таткови, синови, ќерки... – не е важно кои се и што им се случило.
Таа ќе се погрижи за нив.
Ќе дојде дома 14 часа подоцна, ќе ги соблече чевлите кои поминале низ крв и солзи и ќе ги остави надвор. Понекогаш не сака да разговара со мене. Понекогаш не може да дочека да разговара со мене.
Понекогаш се смее до солзи, а понекогаш само плаче, но без разлика на сè таа ќе пристигне на работа и ќе си ја одработи својата смена.
Мојата сопруга е сестра на одделението за интензивна нега. Мојата сопруга е херој.“
Би можело да ве интересира:
