Момче добило пријатно изненадување, откако никој не се појавил на неговиот роденден

Детали

четврток, 21 април 2016

9-годишниот  Џералд Хамилтон е дете кое неодамна го искусило еден од најболните моменти во своето детство, откако ниту едно дете не се појавило на неговата роденденска забава.

Неговата баба Амелија Лара очајна поради тагата на нејзиниот внук одлучила да објави статус на Фејсбук кој допре до многу срца и предизвика лавина од реакции.

„Мојот внук досега имаше 5 операции на мозокот и побавно се развива од останатите соученици. Но, и покрај тоа, тој е најдоброто и сочувствително дете. Неговата мајка испрати 30 покани до целото негово одделение.

12 рекоа дека ќе дојдат. Во 3 часот попладне Џералд проверуваше дали сите вреќички со мали знаци на внимание се подготвени за неговите пријатели, беше облечен и подготвен за забава.

Во 5 часот попладне уште седеше и чекаше, одбивајќи да ја пресечеме тортата, надевајќи се дека барем едно дете ќе се појави“ - напишала неговата баба.

Лара во својата објава ги замолила сите оние кои ќе ја прочитаат да му пратат честитка на Џералд.

Иако роденденот завршил, тој оттогаш добил голем број на честитки, но и можност да го запознае неговиот омилен рагби тим „Chicago Eagles“, па и да влезе во собранието на градот и да има можност да си игра со полициските кучиња.

Оттогаш и понатаму продолжил да добива подароци.

„Среќна сум што благодарение на добрите срца на луѓето, тој сепак е среќен и му покажавме дека не сите луѓе на овој свет се лоши“ - заклучува неговата баба.

Н. Г. | Црнобело