Норвешка сака да ѝ подари врв од планина на Финска за 100-тиот роденден од независноста

Детали

петок, 27 јануари 2017

Веројатно нема да слушнете подобар пример за дарежлива земја од Норвешка. Оваа земја планира за 100-иот роденден од независноста на Финска да ѝ подари врв од планина.

„Ја добив идејата уште во 1972-та година кога правев гравитационо истражување на областа“ - вели Бјорн Гер Харсон, пензиониран геофизичар.

„Забележав дека највисоката точка во Финска е на рид, а за Норвешка на планина, па решив да напишам писмо на Министерството за надворешни работи и предложив подарок од Норвежаните за луѓето од Финска да биде врв од планина“ - додава тој.

Не постои посебна потреба за овој подарок и токму тоа е неговата цел, да покаже дека дарежливоста треба да биде присутна во сите држави.

„Низ целиот свет ќе најдете земји кои се борат и војуваат за да ги зголемат своите земји, но во овој случај, Норвешка е подготвена да даде мал дел од својата земја без да бара нешто за возврат“ - додава геофизичарот.

„Ова е подарок од срцата на Норвежаните до Финска, па не очекуваме ништо за возврат. Само сакаме да им подариме нешто убаво кога ќе наполнат 100 години како слободна нација“.

Промената на границата ќе биде само 31 метар и со исклучок на неколку политичари, целата земја е согласна за овој потег.

Сепак, прашање е дали промената во границата ќе биде возможна, бидејќи уставниот закон на Норвешка не го дозволува тоа.

Н. Г. | Црнобело