Како ресторан што не постои стана ресторан број 1 во Лондон на TripAdvisor?
- Детали
- петок, 26 јануари 2018
Приказната како Уба Батлер ја изманипулира јавноста ќе ве натера два пати да ги проверувате информациите што ви се сервираат на интернет.
Во Лондон се појави уникатен ресторан во кој беше речиси невозможно да резервирате маса. Тој победи илјадници ресторани на рангирањето на TripAdvisor, предизвика огромен интерес и заврши на првото место.
Но имаше само еден мал проблем - тој не постои.
„The Shed at Dulwich“ беше креиран од писателот фриленсер Уба Батлер, кој го користел својот дом како инспирација. Тој го ставил својот измислен ресторан на TripAdvisor, ставил низа лажни позитивни критики и успеал да го вметне во врвот на рангирањето на лондонските ресторани на овој сајт.
Неговата приказна го заобиколи светот и нè потсети како во ерата на интернетот лесно можеме да бидеме наведени да веруваме во лажна реалност.
Потегот на Уба дефинитивно прави да се замислиме за сите информации што ги читаме секојдневно, за агресивниот маркетинг и леснотијата со која пропагандата ни го пере мозокот.
Батлер во креирање на лажната слика за ресторанот отишол дотаму што обезбедил телефонски број на кој примал резервации, креирал веб сајт за ресторанот со уникатно мени базирано на емоции, фотографии од вкусните јадења што се приготвуваат таму итн.
Како локација ја ставил улицата на која живее, но не навел точна адреса со објаснување дека ова е ресторан каде се оди само со однапред направени резервации.
Ресторанот во мај 2017 година бил одобрен на TripAdvisor и Уба ги натерал своите пријатели и роднини да пишуваат пофални зборови за неговата ексклузивност, комфорност и да го оценуваат со 5 ѕвездички.
Наскоро луѓе започнале да се јавуваат за резервации, а Уба постојано ги одбивал со оправдувања дека ресторанот е преполн во наредниот период.
Тој дури ги прашувал колку Инстаграм следбеници имаат за да процени дали се доволно високо на социјалната скала за да присуствуваат во ресторанот, па дали познаваат одредени луѓе и низа други работи.
На телефон му се јавувале луѓе од целиот свет, познати личности и блогерки и добил дури 89.000 прегледи во еден ден и во месец ноември 2017 место број 1 на најпосетуваниот туристички сајт TripAdvisor.
Погледнете ја неговата неверојатна приказна:
I Made My Shed the Number One Restaurant on TripAdvisorThe Shed at Dulwich was the number one rated restaurant in London, with foodies, celebrities and bloggers trying to get a table. The main obstacle for them, however, was that it didn't exist. Here's the journey into a false reality that captured the world's attention.
Posted by VICE on Monday, January 22, 2018
I Made My Shed the Number One Restaurant on TripAdvisorThe Shed at Dulwich was the number one rated restaurant in London, with foodies, celebrities and bloggers trying to get a table. The main obstacle for them, however, was that it didn't exist. Here's the journey into a false reality that captured the world's attention.
Posted by VICE on Monday, January 22, 2018
С. С. | Црнобело
Би можело да ве интересира:
