61% од корисниците на iPhone не знаат дека можат да ја заменат батеријата

Според едно истражување направено од Batteries Plus Bulbs на 1000 корисници, 61.4% од iPhone корисниците не знаат дека батеријата на телефонот може да ја заменат за нова.

Компанијата открива дека дури 56% од Американците сметаат дека нивниот телефон е расипан, ако батеријата не работи правилно. Всушност ова е број еден проблем околу телефоните.

Поголемиот дел од луѓето сакаат да го поправат својот телефон, но не знаат дека тоа може да го направат.

Секако дека оваа компанија сака да привлече поголем број на луѓе кои ќе ги употребуваат нејзините услуги, но дури и сервисот на Apple може да им понуди поевтина варијанта од купување на нов телефон.

Животот на батеријата претставува голем проблем поради кој Apple додаде нов мод за iOS 9 „low power“ кој може да ја намали употребата на батерија на сметка на перформансот на самиот телефон.