Хотел во Тајван совршен за сите љубители на видео игри

Комбинација на модерна технологија и врвен дизајн, хотелот „iHotel“ во Тајван е уникатно искуство.

Ако сте опседнати со видео игри и не можете да замислите дури и одморот да го минете настрана од компјутерот, тогаш овој хотел во Тајван е совршениот избор за вас.

Оваа земја се грижи за потребите нa сите гости, па направи вистински рај за „гејмерите“. Штом влезете во хотелот „iHotel“, влегувате во светот на технологијата.

Местото е дизајнирано „од гејмери за гејмери“, но не е составено само од компјутери и монитори од крај до крај на ѕидовите, туку има и ултра модерен декор во темни нијанси и дрвен под.

Во лобито има арена за играње, каде може да се натпреваруваат два тима од по 6 играчи, еден против друг.

Собите се опремени со огромни монитори, врвни компјутери и столчиња поврзани со нив кои ќе ви овозможат надреално искуство.

Хотелот се наоѓа на еден час возење со воз од Тајпеј (во местото Taoyuan) и едно ноќевање чини околу 100 долари, но ако одите само за играње, собите може да ги изнајмувате и за 12 долари од час.

Видео игрите се навистина важни во Тајван, а се организираат и натпревари во кои учествуваат професионални тимови. Инспирацијата за овој хотел потекнува токму оттаму.

С. С. | Црнобело