Симнуваме капа: Даниел со имитација на Мајкл Џексон влезе во финалето на ТЛЗП (видео)

Синоќа го гледавме полуфиналето на музичкото шоу Твоето лице звучи познавме и откривме кои 5 учесници ќе се планираат во големото финале. Одлична вест е што и нашиот Даниел е помеѓу нив.

Даниел во полуфиналето имаше прилично тешка задача, но успеа да брилира во улогата на Мајкл Џексон.

Покрај тоа што од Даниел се очекуваше без проблем да го долови гласот на покојниот крал на поп музиката во нумерата „Dirty Diana“, успеа дури и да изимитира неколку танцови движења додека ја изведуваше песната „Thriller“.

- Се специјализираше за имитации на ниски црнци. Беше одличен - рече Иван.

- Беше фасцинантен. Феноменално пеење, навистина, а се прашував како сето тоа ќе звучи - искоментира Аца Лукас.

- Незгодно е да го имитираш Мајкл Џексон, а ти буквално го оживеа. Ова беше сјајно. Ја запали сцената, симнувам капа - заврши Ана.

Покрај Даниел, во финалето на 22-ри мај ќе ги видиме Катарина Каја Остојиќ, која воедно е и победничка во полуфиналето со имитација на Адел, Ивана Петерс, Никола Роквиќ и Неша Бриџис.

Дополнителна информација која ја радува македонската публика е што според бодовната скала после полуфиналната епизода, моментално Даниел има најмногу поени.

М. Д. | Црнобело