Маурициус - рајски остров
Република Маурициус 
е островска држава во југозападниот Индиски океан. Први го колонизирале холанѓаните и му го дале името по принцот Маурициј од Насау. Островот...
...се наоѓа 900km источно од Мадагаскар. Се до 17 век бил ненаселен, а сега е пренаселен и преставува една од најразвиените афикански земји.
На само 2.045 квадратни километри живеат 1.200.000 жители. На 90% од земјиштето се сади шеќерна трска, но љубезните жители на островот се занимаваат и со туризам и со текстилна индустрија.
Главен град е Порт Луис, кој мора да го посетите и да уживате во мирните вечерни прошетки, а ако сте повеќе за забава и за тоа има предвиден кварт полн со продавници, ресторани, барови, кино сали и луксузни коцкарници.
Климата е тропско-океанска, но пријатна преку целата година. Зимите се топли и суви, а летата влажни и жешки. Се разликуваат две сезони - од декември до април трае летото, а од мај до септември, зимата. Идеално време за посета е јули.
Овој вулкански остров познат е и по изумрената птица додо, чие име е синоим за глупост.
Тешка околу 23 килограми, птицата додо изумрела набргу по доаѓањето на португалските истражувачи на островот.
Се смета дека неможела да и се спротивстави на агресијата на ловците и нивните кучиња, но и на останатите животни кои го населувале островот со новите народи.
Нешто што секогаш асоцира на Маурициус и нешто за што особено се зборува е тиркизното море, белите песочни плажи, како и коралните гребени кои никого не го оставаат рамнодушен.
Сигурно сте чуле за џиновските листови на водениот лилјан во местото каде што живеат стогодишните желки; тоа е најголемата ботаничка бавча на светот - Sir Seewoosagur Ramgoolam.
Повеќето жители зборуваат англиски, па комуникацијата не би требало да е проблем. Храната е разнолична и има по нешто за сечиј вкус, што и не е чудно со оглед на разноликоста на жителите (Африканци, Азијци и Европејци).
Квалитетот никогаш не е под знак прашање, но за да се уверите во тоа морате да го пробате нивниот специјалитет, Camarons – рак во пикантен сос. Властите на Маурициус не сакаат островот да се претвори во масовно туристичко одредиште, туку да ја задржи ексклузивноста. На островот има многу хотели и вили и тоа ексклузивно опремени.
Овде е годишен одмор од сништата за повеќето Европејци, но и за туристи од другиот дел на светот. Има бројни атракции како - одење по морското дно, возење со полуподморници, крстарење, нуркање, сурфање, риболов, тенис, голф, па дури и крокодилска фарма... и уште многу, многу работи кои вреди да се видат.
Би можело да ве интересира:
Препорачуваме
Најчитани неделава
