И мажите имаат целулит
Кога ќе се спомене целулит, прво нешто што помислуваме се жените. Но, и мажите патат од проблем со целулитот, само што кај нив се појавува на поинакви места.
Мажите се помалку склони кон целулит затоа што имаат подебел слој на кожа на кој тешко е да ја приметите „кората од портокал“.
И понатаму, масните наслаги кај мажите се складираат длабоко под кожата, што е уште една причина зошто тој не е толку видлив. Најчести места каде мажите добиваат целулит се подрачјето на вратот и стомакот, а кај жените тоа е задникот и нозете.
Целулитот настанува кога масните клетки под кожата се деформираат, односно го променуваат обликот. Обично го поврзуваме со дебелината, но вистината е дека од него патат луѓе со разни телесни пропорции.
Целулитот е резултат на: хормони, слаба циркулација, пушење, консумирање премногу алкохол и калорична храна.
Хормоните играат голема улога особено кај трудниците и адолесцентите. Освен во пубертетот, мажите имаат посмирен хормонален ритам од жените.
Како против целулитот?
Во целост се отстранува само по хируршки пат, но вие можете да го намалите и да го направите незабележлив.
Освен вежбање, пијте многу вода, избегнувајте стрес и алкохол и хранете се здраво. Резултатите не доаѓаат преку ноќ, туку за нив се потребни неколку месеци.
Би можело да ве интересира:
Препорачуваме
Најчитани неделава
