Carl Cox летово во Охрид

Клубската публика ова лето ја очекува дружба со најголемата светска диџеј ѕвезда Carl Cox, една од првите асоцијации за клубската музика...

...и култура воопшто. Број 1 диџејот, по сите критериуми за популарност, ќе настапи на Green Beach Festival  во Охрид на 29ти јули.

Вечниот фаворит за светски најдобар диџеј според фановите и музичките медиуми, децениски е дел од денс сцената, од диско деновите до современите глобални клабинг движења. Долгогодишното опстојување на сцената има видливо влијаније во неговите микс вештини и во неговиот музички избор преку битбрејк, хаус, и  денс мејнстрим за време на неговите хард техно сетови.

Green Beach Festival, во организација на Octopussy Entertainment и Password Production, после минатогодишното прво издание, на кое настапи диџеј маестрото Paul van Dyk пред десет илјадната публика, оваа година продолжува со збогатена програма како број 1 летен настан. Carl Cox е првото headliner име кое го објавуваме од екслузивната програма за ова лето! Бидете подготвени за повеќе информации!

Carl Cox биографија:

Британецот Carl Cox е музички амбасадор уште од детството, професионален диџеј од тинејџерските години, acid house ветеран и техно шампион! Во своите почетоци, диско музиката е првата која го освојува, но веќе во раните осумдесети години преминува кон музиката на младите лондонски диџеи – rare groove, њујоршки хип хоп и електро, паралелно прифаќајќи ја чикаго хаус музиката во нејзинитенајрани форми. Како творец на звукот Carl Cox ја водеше експанзичната британска рејв сцена. Во 1995. година го издава својот  микс це-де „F.A.C.T.“ , кој стана техно референта и се продаде во повеќе од  250.000 копии.

Популарната кариера ја започнува во 1996. година со издавање на албумот „At the End of the Cliche“ и основајќи ја сопствената етикета „Worldwide Ultimatum“. Паралелно ја формира и менаџерската компанија, „Ultimate Music Management“,  собирајќи ја околу себе актуелната елита на електронската музика.

Следниот чекор на Carl Cox е да создава музика и со својот деби сингл „I Want You“ за Perfecto етикетата на Paul Oakenfold,  се пласира на Топ 30 хит листата и обезбедува појава на „Top of the Pops“,кога му е доделена интернационалната награда за најдобар DJ на годината, според списанието„Muzik Magazine“. Carl Cox е првиот диџеј прогласен за Број 1 во Светот.

Во време кога е веќе голема поп ѕвезда, кога масовната публика се приклонува кон флафи хаус, транс и хардко создадениот џангл, Carl Cox се враќа во клубскиот свет и го прифаќа подземниот техно звук.

Во 2008 година е забележан неовиот успех во мегапопуларниот Space Night Club  на Ibiza кога ја добива наградата `Best Ibiza Club Night` на „Ibiza DJ awards“. Во клубот настапува со познати имиња како Francois Kevorkian, Laurent Garnier и Fatboy Slim. Во склоп на неговиот проект Carl Cox & Friends на настапите ширум светот соработува со таленти од различни жанрови на електронската музика: Roni Size, DJ Marky, Evil Nine, Adam Freeland, Bushwacka!, Freemasons, Locodice, James Lavelle и др.

Carl Cox денес е предводник на две издавачки куќи, Intec Records и 23rd Century Records. До сега има објавено триесетина компилации, албуми и сингл плочи, а во неговата биографија се забележани и неговите настапи за милениумската Нова година кога стана запомнет како единствениот диџеј кој во иста вечер имаше свој диџеј сет на два континента и два пати го прослави милениумот. Toj е дел и од престижното радио "Kiss FM" каде ја емитува емисијата "Global", промовирајќи ги најголемите нови таленти и подиумски хитови. Емисијата се здобива со над 4 милиони слушатели со емитувања во 24 земји низ светот, со што тој станува еден од најзначајните планетарни радио емитувачи. Слушателите го избираат за DJ кој најдобро работи со миксета ("DJ Mixer of the Year") и е изгласан за најдобар диџеј во последните 25 години.