White sensation во Белград
Помина музичкиот спектакл White Sensation во Белград. Овие журки се едни од најпознатите каде настапуваат светски имиња од техно и хаус музиката.
До раните утрински часови се забавуваа повеќе илјади посетители од целиот свет.
Нашите соседи уште еднаш се покажаа во најдобро светло. Белградската арена со целокупната декорација на ентериерот направи посетителите да се чувствуваат како навистина да се наоѓаат во подземен свет (белградскиот sensation го носеше името Ocean white).
Спектакуларното отворање беше во 22 часот со огномет. На два видео бима одеа снимки од морските длабочини додека на стазите покрај бината со единствена кореографија се шетаа девојки кои заедно со публиката правеа балони од сапуница со димни и светлосни ефекти во позадина.
Посетителите по почетокот ги загреваше ди – џејот Mr. White. 22 фонтани покрај бината, „медузи“ од страните...
Најголемо воодушевување кај публиката предизвика Себастијан Ингросо. Феде Ле Гранд не се појави, но на негово место настапи Ерик Е.
Журката во ритамот на хаус музиката траеше до 6 часот наутро. Инаку White Sensation настанува во 2000 година во Амстердам, и од тогаш во 17 земји од светот се посетени од повеќе од милион луѓе, а вообичаено 40.000 влезници за овој спектакл се продаваат за неколку минути. Следната журка во бело ќе се одржи во Прага.
Да се надеваме дека и Скопје наскоро ќе биде сведок на ваков музички настан.