Колку пријатели имате?
Дали некогаш ви се случило да отидете на некоја забава кај пријателка, нешто што би требало да биде само за блиски пријатели и на таа забава да има...
...педесетина луѓе? Можеби случајно сте ја виделе листата на поканети гости...и замислете на неа стотина познаници, многу имиња.
Потоа, вие размислувате и доаѓате до заклучок дека нема ни теоретски шанси доколку вие правите забава на неа да има толку пријатели, па дури и да ги повикате роднините со кои 100 години не сте се ни чуле ни виделе. Во моментот си поставувате многу прашања.
Дали сте толку лоша личност па имате толку малку пријатели? Дали е толку тешко некој вас да ве сака, дали сте напорни? Во суштина се се сведува на една работа: „А зошто кај мене на забава не доаѓаат 50 луѓе?“ Навистина зошто?
Можеби не сте баш дружељубиви, имате само неколку блиски пријатели (можеби само двајца-тројца) со кои редовно се гледате. Дали тоа значи дека сте лоша или пак непријатна личност? Не, воопшто. Тоа значи само дека се дружите со мал број луѓе, а тоа само по себе воопшто не мора да биде лошо.
Кога ќе се запрашате: „Зошто кај мене на забава не доаѓаат 50 луѓе и тоа на забава само за најблиските?“, запрашајте се дали вие навистина го посакувате тоа...да контактирате со 50 луѓе (за да ви бидат и останат најблиски). Дали тоа за вас не би било пренапорно?
Да не се разбереме погрешно, тоа што вашата пријателка/пријател има 50 најблиски пријатели е сосема возможно и добро, ако нему му преставува задоволство.
Сепак, тоа не мора да биде правило и за вас. Можеби вие сте одбрале друг начин на живот.
Така што, одговорот на прашањето: „Зошто немам 50 блиски личности кои што можам да ги повикам на забава?“ е затоа што не сакате интензивно да се дружите со 50 пријатели, туку само со 5, тоа е она што ви е убаво, во тоа уживате и сосема е во ред.
Би можело да ве интересира:
Препорачуваме
Најчитани неделава
