Без илузии за летната љубов
Тој и таа се запознале на море, на одмор. Имале страсна летна романса, го одржале познанството и врската и по годишниот одмор, некое време...
...имале врска на далечина, потоа еден од нив се преселил во градот кај што живее другиот, по извесно време се венчале и живееле среќно потоа.
А, да, и сексот цело време им бил фантастичен. Вистинита приказна?
Не, тоа е нешто што можете да го прочитате во некој љубовен викенд роман, или да го видите на телевизија. Не дека ваквата приказна е неостварлива во вистинскиот живот, туку малку е веројатна.
Она што најчесто се случува со летната љубов е... таа личност по летувањето никогаш повеќе нема да ја видите ниту чуете.
Можеби и ќе има некои благи обиди врската да се одржи, но и тие ќе престанат.
Некогаш дури и ќе се обидете повеќе од тоа, се вложува повеќе труд за да се одржи врската – но и вам и на другиот во главата ви останува романтичната слика од летувањето, кога сте биле без обврски, опуштени и убаво сте си поминувале.
Секојдневието не е летување. Тоа притиска, така што онаа весела, насмеана, опуштена личност која ја запознавте на море, нема секогаш (можеби и не често) да биде весела и опуштена, ниту пак насмеана.
На летување можеби била импулсивна – а потоа откривате дека е многу организирана и дека ништо не прави без претходен план.
На летување несебично давала – а кога не е на летување, многу е пресметан/а. Можеби и нема да откриете ништо од горенаведеното, туку ќе откриете дека симпатичната личност со која сте уживале на одмор всушност е неамбициозна и дека нема да се буни ако ве наведе да ја издржувате па дури и да и помагате околу домашните работи.
Дали ова значи дека треба да се бега од летната љубов, од романсата на море?
Не, нема причина за тоа – само бидете свесни дека во тоа што се впуштате нема да биде голема љубовна приказна, туку само летен флерт и уживање.
Ако се опуштите и ако сте склони кон таква забава, може повеќе да уживате, особено ако не очекувате да се изроди нешто големо од романсата.
Ќе ви останат убави спомени, по некоја слика од партнерот... и ќе продолжите со својот живот.
А ако од вашата летна романса произлезе голема љубов? Супер! Ви честитаме!
Би можело да ве интересира:
Препорачуваме
Најчитани неделава
