Green Beach Festival 2011

Во понеделник, 27ми јуни стартува продажбата на промо влезниците за второто издание на Green Beach Feastival, кој ќе се одржи на 29 јули, на плажата Парк во Охрид.

Green Beach Festival, во организација на Octopussy Entertainment  и Password Production, после минатогодишното прво издание, на кое пред десет илјадната публика настапи диџеј маестрото Paul van Dyk, и оваа година продолжува како број 1 летен настан со единствената атмосфера, одлична забава и збогатена музичка програма.

Потврдените хедлајнери кои годинава ќе ја забавуваат клубската публика се денс великаните Carl Cox, вечниот фаворит за светски најдобар диџеј и John Digweed, деценискиот диџеј синоним за квалитет, генијалност и интегритет.

Carl Cox e една од првите асоцијации за клубската музика и култура воопшто.  Диџејот кој по сите критериуми за популарност е секогаш меѓу најдобрите, долго време е дел од денс сцената, од диско деновите до современите глобални клабинг движења. Тоа опстојување на сцената има видливо влијаније во неговите микс вештини и во неговиот музички избор преку битбрејк, хаус, и  денс мејнстрим за време на неговите хард техно сетови.

John Digweed, предводникот и eден од највлијателните изведувачи на електронската сцена, ќе го претстави својот уникатен музички стил, кој е секогаш различно категоризиран како транс, хаус, прогресив и електроник, а сепак нема ниту една жанровска етикета која може точно да се примени за него. На почетоците од неговиот развој како диџеј, John Digweed ја прослави својата клабинг кариера букирајќи го токму Carl Cox на своите први забави, а на 29ти јули двајцата ДиЏеј великани ќе се претстават со свој сет пред публиката на Green Beach Festival.

Првите 2000 влезници за овој настан се со промотивна цена од 550 денари и може да ги набавите на тикет сервисот www.mktickets.mk и на сите официјални продажни места во Македонија:

Tobacco Together салоните низ Македонија;
Скопје: Југотон, Розе Веро 2, Камрад Рамстор, Custom Pub, Кафе Круг Аеродром, Кафе Fluid, Tobacco Gogi;
Штип: Током – А;
Охрид: ZZ Top, Кафе Ликвид;
Прилеп: Кафе Сидро;
Битола: Hard Rock;
Струмица: Кафе Inside;
Куманово: Agora, Софт Мак;
Свети Николе: Феникс;
Гевгелија: Кафе Корзо;
Велес: Унисон;
Тетово: Патник – Вокер.